لاہور۔5ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو افغانستان دے نال اساݙا گھاٹا سٹریٹجک ،سیاسی ، سماجی اتے معاشی تعلق اے، کئی ملکاں دے خفیہ اداریں دے سربراہان کابل دا دورہ کیتے ، انٹیلی جنس دی سطح تے غیر روایتی رابطے برقرار رکھیے ویندن بھارت کوں افغانستان اچ ذلت اتے رسوائی چاوݨی پئی، بھارت دا افغانستان اچ کوئی کردار کائنی، بزرگ حریت رہنما سید علی گیلانی دے انتقال دے بعد وی بھارت خوف اچ مبتلا اے، سید علی گیلانی مقبوضہ کشمیر دی آزادی دے استعارہ ہن ۔ اے ڳال انہاں سینئر صحافی مجیب الرحمان شامی توں اہاں دے بھرا دے انتقال تے اظہار تعزیت اتے فاتحہ خوانی دے بعد میڈیا نال ڳال مہاڑ کریندے ہوئیں آکھی اے ۔ وزیر اطلاعات فواد چوہدری آکھیے جو بھارت حریت رہنما سید علی گیلانی دی میت دی جیڑھی بے حرمتی کیتی اے ایندی وزیر اعظم پاکستان عمران خان شدید مذمت کیتی اے ۔ ھک 92سال دا کشمیری مجاہد موت دے بعدآزادی اتے حریت دی علامت اے ۔ بھارت اتنا ݙریا پئے جو ایندی عوامی جنازہ دی اجازت ݙیوݨ توں وی ݙردا پئے ، نریندرمودی جیڑھا ہٹلر توں متاثر اے ایندیاں لتاں کنبدیاں پئن تے ھک میت کوں انہاں دے خاندان دے حوالے نی کیتا ڳیا ، ،بھارت سامراج جیڑھا ھک دہشتگرد فلاسفی رکھݨ آلی جماعت اتے دہشگرد ی دی سرپرستی کرݨ آلا لیڈر جیڑھا جو بھارت تے مسلط ہے جیں دا ناں نریندرمودی اے او اتنا بزدل اے جو او آزادی دے ھک استعارہ کوں برداشت نی کرسڳیا ۔ پاکستان دی حکومت اتے عوام ایندی سخت مذمت کریندن اساں کشمیر دے لوکاں کوں ݙساوݨ چاہندوں جو انہاں دے پچھوں اساں سیسہ پلائی ہوئی دیوار وانڳوں انہاں دے رلے کھڑوں ۔
