موسمیاتی تبدیلی اڄ دے دور دا ساریں توں وݙا چیلنج اے ، موسمیاتی تبدیلی نال نبݨݨ سانڳے عالمی سطح تے رل تے کم کرݨا ہوسی ، وفاقی وزیر اطلاعات عطاء اللہ تارڑ

Mr. Attaullah Tarar, Federal Minister for Information and Broadcasting, National Heritage and Culture delivering a speech at high-level Ministerial Dialogue held in Baku on November 15,2024.

باکو۔15نومبر(اے پی پی) وفاقی وزیر اطلاعات، نشریات، قومی ورثہ و ثقافت عطاء اللہ تارڑ عالمی ماحولیاتی بحراناں نال نبݨݨ سانڳے ثقافت تے مبنی ماحولیاتی اقدامات تے زور ݙیندے آکھیے موسمیاتی تبدیلی اڄ دے دور دا ساریں توں وݙا چیلنج اے جیں نال نبݨݨ سانڳے عالمی سطح تے رل تے کم کرݨ ناگزیر اے۔ اے ڳالھ انھاں کوپ 29 کانفرنس دے موقع تے ثقافتی ورثہ اتے موسمیاتی تبدیلی تے اعلیٰ سطحی وزارتی ڈائیلاگ توں خطاب کریندے آکھی ۔ وفاقی وزیر اطلاعات آذربائیجان، متحدہ عرب امارات اتے برازیل دی طرفوں کانفرنس کراوݨ تے شکریہ ادا کیتا۔ وفاقی وزیر اطلاعات آکھیے پاکستان اچ وادی سندھ دی تہذیب موجود اے جیں کوں طاقتور دریائے سندھ دے کناریں اتے معاون ندیاں گھیر رکھیے، پاکستان دنیا دے ساریں توں وݙے دریا رکھݨ آلے ملکاں اچوں ھک اے ۔ اتھاں یونیسکو دے ثقافتی ورثے موہنجو داڑو 2500 قبل مسیح دے ہن۔ پاکستان دنیا دی 13 اُچیاں چوٹیاں اچوں چار دا مالک اے جنہاں اچ کے ٹو وی وی شامل اے جیڑھی دنیا دی ݙوجھی اُچی چوٹی اے جیڑھی گلگت بلتستان اچ واقع اے، اتھاں ھک وݙی آبادی رہندی اے ۔ وفاقی وزیر اطلاعات آکھیے اڄ جݙاں اساں اتھاں ایں تے ڳالھ مہاڑ کرݨ ??انڳے جمع تھیوں اساں آپݨے انھاں ثقافتی ورثیں کوں کیویں محفوظ بݨا سڳدوں تے آپݨی ذہانت اتے تخلیقی صلاحیتاں کوں آپݨے ویلھے دے ساریں توں وݙے چیلنج اچوں ھک موسمیاتی تبدیلی دے عالمی بحران نال نبݨݨ سانڳے کیویں استعمال کرسڳدوں ، دنیا دے ملکاں موسمیاتی تبدیلی دے تباہ کن اثرات دا ??ام??ا کریندے پئن ، عالمی سطح تے کاربن دے خارج تھیوݨ اچ پاکستان دا حصہ صرف 0.5 فیصد اے لیکن جݙاں ضیان دی ڳالھ آندی اے تاں اساں ایں چیلنج دا ??ام??ا کرݨ ??لے دنیا دے سرفہرست 10 ملکاں اچ شامل ہیسے ، شدید چھل ، ودھدے درجہ حرارت ساݙی ثقافت اتے قومی ورثہ سانڳے وݙا خطرہ اے ۔ وفاقی وزیر اطلاعات آکھیے 2022 اچ اساکوں تباہ کن چھل دا ??ام??ا کرݨا پئے ، مقامی لوکاں سودھے ہزاراں لوک بے گھر تھئن ، جݙاں اساں ضیان دا حساب لیندوں تاں اساکوں 30 ارب ڈالر دا ضیان تھئے اساکوں نہ صرف زندگیاں تے ذریعہ معاش بلکہ ثقافتی ورثے دے ونڄݨ دا وی خطرہ اے ۔ اساکوں موسمیاتی تبدیلیاں نال نبݨݨ سانڳے آپݨے جدید ترین اتے جامع خیالات کوں ??ام??ے گھن آوݨ سانڳے ھک مٹھ تھیوݨا ہوسی ۔ وفاقی وزیر آکھیے ساݙیاں کوششاں ہمہ جہت اتے جامع ہووݨیاں چاہیدن اساکوں اے ڳالھ یقینی بݨاوݨی ہوسی جو موسمیاتی تبدیلیاں توں بچݨ سانڳے اقدامات ساݙی پالیسیاں اچ شامل ہوسن، پاکستان ایں نقطہ نظر تے کاربند اے۔ وفاقی وزیرآکھیے ثقافت دی اصل طاقت ایں دیاں زندگیاں کوں بدالݨ دی صلاحیت وچ اے تے لوکاں کوں آپݨی حدود توں اڳوں دھݨ دے قابل بݨیندی اے ۔ ثقافت صرف ماضی دی وراثت کائنی بلکہ اے ھک زندہ، ساہ گھنݨ آلی طاقت اے جیڑھی ساݙے حال کوں تشکیل ݙیندی تے اساکوں ھک بہتر مستقبل بݨاوݨ سانڳے بااختیار بݨیندی اے ، ثقافت دے ذریعے اساں لچک، جدت طرازی اتے یکجہتی پیندوں تے انہاں خصوصیات دے ذریعے اساکوں موسمیاتی تبدیلی دے بحران دا مقابلہ کرݨ ??ی لوڑھ اے ?? عطاء اللہ تارڑ شرکاءکانفرنس کوں مخاطب کریندے آکھیے آؤ رل تے ھک ایجھی دنیا دی تعمیر کروں جتھاں ثقافت، زندگیاں کوں بدالݨ ، برادریاں کوں اُچا مقام ݙیواوݨ تے پائیدار مستقبل سانڳے حل دی ترغیب ݙتی ونڄے ۔ وفاقی وزیر اطلاعات اپݨی تقریر دا اختتام حدیث مبارکہ نال کیتے ساݙے پیارے نبی رسول صلی اللہ علیہ وسلم دا ارشاد اے جے قیامت قائم تھیندی پئی ہووے تساں اچوں کہیں بندے دے ہتھ اچ ٻُوٹا ہووے تے او ایں ڳالھ تے قادر ہووے جو قیامت قائم تھیوݨ توں پہلے اوایں کوں لا گھنسی تاں ضرور لاوے۔