سیاستدان پارٹی وابستگی کوں ھک پاسے رکھ تے بحراناں توں نکلݨ کیتے ھک ٹیم دے طور تے کم کرن ، وفاقی وزیر پروفیسر احسن اقبال

اسلام آباد۔3فروری(اے پی پی) وفاقی وزیر منصوبہ بندی، ترقی ،اصلاحات وخصوصی اقدامات پروفیسر احسن اقبال پاکستان کوں پیش آندے معاشی بحران دے تناظر اچ سارے سیاست داناں تے زور ݙتے جو او پارٹی وابستگی توں بالاتر تھی تے بحراناں توں نکلݨ کیتے ٹیم دے طور تے کم کرن ، پاکستان بدترین معاشی بحران توں گزردا پئے ایں کیتے اے ویلھا آپت اچ لڑݨ دا کائنی بلکہ ملکی معیشت کوں دنیا دی اعلیٰ معیشتاں اچ رلاوݨ کیتے کم کرݨ دا اے ،پاکستان دا مستقبل نینگراں نال جڑیا ہویا اے ملک کوں سیاسی استحکام اتے پالیسیاں دے تسلسل دی لوڑھ اے۔ اے ڳالھ انہاں برٹش کونسل دے زیر اہتمام پاکستان ۔اگلا جنریشن 2023 رپورٹ دے حوالے توں تقریب توں خطاب کریندے ہوئیں آکھی اے ۔احسن اقبال آکھیے اڄ پاکستان دنیا دی گھٹ عمر آبادی دے حامل ملکاں وچوں ھک اے ایندا زیادہ حصہ نینگرں تے ہے جیڑھا جو ترقی یافتہ پاکستان دا مستقبل اے۔

مضمون کا ماخذ : وائکنگز گو برزرک

متعلقہ مضامین