صدر مملکت ممنون حسین دی جنوبی وزیرستان دے مشران نال ملاقات اچ گالھ مہاڑ

اسلام آباد ۔ 18 جنوری (اے پی پی) صدر ممنون حسین آکھیا جو فاٹا اچ اجتماعی ذمہ واری دا قانون ظلم اے،فاٹا اصلاحات نال خاتمہ کر ڈتا ویسی۔انہاں اے گالھ بدھ کوں جنوبی وزیرستان دے مشران نال ملاقات کریندیں ہوئیں آکھی جنہاں ایوان صدر اچ انہاں نال ملاقات کیتی۔ایں موقع تے وفاقی وزیر سفیران عبدالقادر بلوچ اتے بئے اعلیٰ حکام موجود ہن ۔صدر ممنون حسین آکھیا جو ایف سی آر کوں کوں ختم کرنڑ اتے سپریم کورٹ اتے ہائی کورٹ دے دائرہ اختیار کوں قبائلی علاقیاں تئیں دی توسیع ڈیونڑ سانگے فاٹا اصلاحاتی کمیٹی وڈی اہم تجویزاں ڈتین ،ایں نال ہک نواں قانون قبائلی علاقیاں کوں ڈتا ویسی جیڑھا جو قبائلی ثقافت اتے روانہ کوں نہ صرف پاسداری کریسی جڈانجو اجتماعی ذمہ واری جہھے ظالمانہ قانون کوں ختم کرنڑ اچ موثر ثابت تھسیی۔انہاں بئیا آکھیا جو امن دی بحالی سانگے لیویز اتے خاصاداران دی آسامیاں کوں ودھاونڑ اتے انہاں کوں پولیس فورس دے برابر گھن آونڑ دی تجویزاں فاٹا اصلاحاتی کمیٹی دی رپورٹ دا اہم جزو ہن جئیں تے کم جلدی پورا کر گھدا ویسی۔اینویں انتظامیہ کوں بہتر بنڑاونڑ سانگے متعلقہ افسراں اتے اداریاں کوں وفاقی حکومت ولوں ہدایات جاری کیتی ویندی پئین ۔فاٹا اصلاحاتی کمیٹی وفاقی حکومت کوں قبائلی علاقیاں سانگے خصوصی ترقیاتی فنڈز دی تجویز وی ڈتی اے،جیڑھی جو نیشنل فنانس کمیشن دی اگلی میٹنگ اچ غور کیتی ویسی۔

مضمون کا ماخذ : لوٹیریا کا نتیجہ

متعلقہ مضامین