اسلام آباد۔8اگست(اے پی پی) وفاقی وزیر توانائی (پاور ڈویژن) سردار اویس احمد خان لغاری آکھیے توانائی دے شعبے اچ اصلاحات گھن آندے پیوں ،20نکاتی اصلاحات دا آغاز وزیراعظم شہباز شریف دی سربراہی اچ تھی چکیے ۔وزیراعظم دے معاون خصوصی توانائی محمدعلی دے رلے پریس کانفرنس کریندے انھاں آکھیے توانائی دا شعبہ معیشت اچ ریڑھ دی ہݙی دی حیثیت رکھیندے ایں سانڳے ایں شعبہ اچ اصلاحات گھن آندے پیوں ، وزیراعظم دے ویژن موجب ساریاں وزارتاں کوں رل تے اصلاحات تے عملدرآمد کراوݨا اے ۔ وفاقی وزیراویس لغاری آکھیے وزیراعظم دے احکامات موجب توانائی دے شعبے تے نیشنل ٹاسک فورس بݨا ݙتی ڳئی ،پاور سیکٹر نال رلے سارے ادارے ٹاسک فورس اچ شامل ہن، نیشنل ٹاسک فورس توانائی دے شعبے اچ بہتری دے سارے پہلوؤاں دا جائزہ گھنسی تے اساں پاکستان کوں توانائی دا ھک صحت مند شعبہ ݙیسن ۔اویس لغاری آکھیے جتنا وختی اساں چیزاں ٹھیک کریسوں اتنی وختی اساں معیشت کوں سدھے پاسے گھن ویسوں ۔ وزیراعظم دے معاون خصوصی توانائی محمدعلی آکھیے اساں آئی پی پیز اتے پیدواری لاڳت متعلق مسئلے ݙیکھدے پئن ، ہݨ اے ݙیکھݨا اے جو بجلی دی پیداواری لاڳت اتے قیمتاں کیویں گھٹائیاں ونڄن تے کیویں حکومت تے صارفین تے ٻوجھ گھٹ تھی سڳدے ، ٹاسک فورس دا اجلاس روزانہ تھیسی جیں دی پیشرفت دا عوام کوں ݙسایا ویسی
