قاہرہ۔19دسمبر (اے پی پی) وزیراعظم محمد شہباز شریف آکھیا جو انڈونیشیا پاکستان دا قابل بھروسہ تجارتی سانجھے داری، خوردنی تیل دا ودھ حصہ اتھاؤں درآمد کریندوں۔ اے ڳالھیں انہاں سربراہی اجلاس دے موقع تے انڈونیشیا دے صدر پرابوو سوبیانتو نال ملاقات اچ ڳالھ مہاڑ کریندیں ہوئیں آکھی۔ پی ایم آفس دے میڈیا ونگ توں جاری بیان موجب ملاقات اچ وزیر اعظم محمد شہباز شریف پرابوو سوبیانتو کوں انڈونیشیا دے صدر دا عہدہ سنبھالݨ تے مبارخ ݙتی۔ ݙوہیں رہنماواں ملاقات اچ آپسی دلچسپی دے معاملیاں تے ڳالھ کیتی جئیں اچ ݙوپاسہ تعلقات، تجارتی اتے اقتصادی معاملیاں تے ڳالھ مہاڑ کیتی ڳئی۔ وزیر اعظم محمد شہباز شریف آکھیا جو انڈونیشیا پاکستان دا قابل بھروسہ تجارتی سانجھے داری، خوردنی تیل دا ودھ حصہ اتھاؤں درآمد کریندوں۔ آسیان اتے اوندے رکن ملکاں نال رابطے بارے پاکستانی دی دلچسپی دا اظہار کریندیں ہوئیں وزیراعظم آکھیا جو پاکستان دے آسیان اچ سیکٹورل پارٹنر دا درجہ حاصل کرݨ اتے آسیان علاقائی فورم دی رکنیت کیتے انڈونیشیا دی حمایت دی تعریف کیتی۔ ۔وزیراعظم محمد شہباز شریف صدر پرابوو سوبیانتو کوں دورہ پاکستان دی دعوت ݙتی جو انہاں قبول کر ڳھدی۔ ݙوہیں رہنماواں فلسطین کیتے آپݨی حمایت، غزہ اچ جنگ بندی اتے مسئلہ فلسطین دے حل کیتے جامع طریقہ کار اختیار کرݨ تے زور ݙتا۔ ݙوہیں رہنماواں ہک خودمختار فلسطینی ریاست جئیں دی سرحداں 1967 توں پہلے دی طرز تے ہوون اتے جئیں دا دارالحکومت القدس الشریف ہووے‘ ٻݨاوݨ کیتے آپݨی حمایت دا اعادہ کیتا۔
